Poslovne vijesti - Makedonija

Отворен „Блик Мак“ - македонско-холандска инвестиција во Општина Илинден

На свечен начин, пред голем број гости, во Општина Илинден беше предаден во употреба новиот објект на фирмата „Блик Мак“ - заедничка македонско-холандска инвестиција вредна еден милион евра.

Во присуство на холандската амбасадорка Мариет Шурман објектот го предаде во употреба градоначалникот на Општина Илинден, Жика Стојановски. Истовремено со отворањето, се изврши и осветување на објектот што го изврши митрополитот Полошко-кумановски г. Кирил.

Компанијата „Блик Мак“, формирана во 2006 година е во сопственост на Бранко Ѓоргиевски и Лара Ѓоргиевска-Маан.

Фирмата се занимава со трговија на големо и мало во областа на автомобилската, металната, дрвната и градежна индустрија.

Новиот објект располага со продажен салон, дистрибутивен центар и канцелариски простор на површина од 2.000 метри квадратни, а на почетокот ќе функционира со дваесетина вработени.